dormi a winthi, momos, romana nervusa, cul tren al flughafa, alissa, start!! qatar umsteigen, tot it bain

dormi fin las 11, kaputtas, svelt al mar, mainger püschegn, ino al pool, chillday, unglas, thailändisch essen

1. bowl, peanut butter, kaffee kokusmilch, chaminadas direczun strand pro la mall, idas a chütter la gedenkstätte, yummi yummi

viadi vers uluwatu, nutternuts, packpack lascha ala e idas al strand, surfers, zeremonie 2x l‘on, spetta lönch, schimias, check in, üna es passada, fat la duscha, sacret chuas-ch, chercha ingua mainger, the loft burger, a dormer

hüt morge simmer eigentli recht früeh ufgwacht, sind aber denn trotzdem bisem mittag im hostel gsi willmer probiert hend en guete plan für de tag zmache (gueti bowl zum zmorge, en drink am single fin’s mit usblick und nocher no zum uluwatu tempel + tanz)! s isch leider ganz anders usecho als plant, wills öppe geg de mittag bisam obig gschiffet het und mier im the loft gfange gsi sind - ohje!😄 naja, denn hemmer halt üse nomittag dött verbrocht und hend afoh d reis fürd romana ufde philippine zplane und hend üses nögste hotel in ubud buecht - uhh vorfreud!!😍 nebabi hemmer no 2 us amsterdam neb üs kah womer im gspröch cho sind. sie hend recht e chilligs lebe und chönnd reise wärend em schaffe - ziemli nice🙈 fo dene hemer denn en “bad” chai latte und sus en drink spendiert kriegt. sie sind auscho in scuol und st. moritz ide ferie gsi - betone in st. moritz —> badrutts palace! also hettends üs au grad üsi ferie chöne spendiere hahah! öppe am 16:00 hets denn chli ufkhört regne und mer hend üs uf de weg zum temple gmacht!

hüt morge hemmer mol wieder e gueti smoothie bowl kah grad nebem hotel, nocher hemmer üs scho uf de weg gmacht zum bingin beach mit de grosse hoffnig das hüt mol schöns wetter isch und mier am wetterradar traue chönnd, nid so wie gester🙈 tatsächlich hemmer so glück und gnüssend hüt eifach mol en chillige tag am strand mit wunderschönem türkise wasser, cooli restis und bars die ganz klippe duruf und supper musik!

hüt simmer ganz entspannt ohni wecker ufgwacht und hend afoh packe zum uschecke. mer hend kai wc papier meh kah - aber ma findet ja immer irgendswie e lösig🙈 denn hemmer üs uf de weg gmacht mitem backpack zu üsem lieblingskafi —> the loft! hend e hammer bowl gesse mit ice coffee & nutella iced latte😍 üse grab taxi het denn scho dusse uf üs gwartet, mit dem simmer denn öppe 2h unterwegs gsi richtig ubud. de taxifahrer isch en richtig coole gsi, er het üs viel tipps geh bezüglich altivitäte (rafting) und balinesischs esse. mol luege obmer am mäntig würkli mit ihm go rafte gönnd, es isch bi ihm ziemli safe und nid gföhrlich - er machts selber 2mol ir wuche und au mit sinem hund!😝 im taxi hemmer denn italienischi musik glost will er als balinese gern eros ramazotti lost😄 mega ahgnehm gsi. und zitat vo ihm: in bali its just one rule —> no rules! hahah

in bali lebend d iheimische fo de turiste. sie verdienend öppe 2000€ im johr.. sie hend weniger ihkomme als was sie usgebend, wärend corona zite ischs schlimm gsi! und nid alli kinder chönd zur schuel, will sies nid zahle chönnd. uf de baustelle hend sie arbeiter fo anderne insle will sie billiger sind, die schlofend uf de baustellene und gsehnd d familie mönetlang nüme bis s huus fertig isch! d balinese hend vor jedem lade, hotel usw. sones päckli am bode, d bedütig vo dem isch dass sie gott dankend fürs esse, dass sie für jede no öppis übrig hend und zum zeige dassme en guete mensch isch und eifach dass jede willkomme isch.

Bild! Taxifahrer

ide nacht hemmer verschieedensti tier ghhört singe imene canon wo fast nervig worde isch und üs vom schlofe (oder romana) abghalte het🙈 ma het irgendswie s gfühl die frösch und was au immer das für tierli sind…. fast bi üs im zimmer sind😄 am 4 am morge foht denn de gückel ah, ohje!😂tatsächlich hemmer üs entschiede zum hüt river rafting mache und mier hends extra niemertem verzehlt - erst wennmer safe duse sind🙈 lukas, üse taxifahrer & guide het üs hüt morge scho 7:30 am hotel abgholt, er het no en kolleg fo ihm mitgnoh woner au durchs taxifahre kenneglernt het und de hetter 2h vorher in canggu abgholt😂 denn hemmer üs uf de weg gmacht zum rafting und ufem weg hemmer no „müsli riegel“ kauft willer gmeint het, es brucht sehr viel energie. mer hend soo vorfreud kah und die het sich glohnt! am treffpunkt acho hemmer no en kaffee kriegt, hend üsi usrüstig kriegt und paddels (fürd crocodil.. haha) und denn ischs losgange! mier sind mit so jeeps richtig dschungle gfahre und denn durch de dschungle zerstmol gloffe. hammer all die grüüsch wome khört het, die natuur, das grüene, d liane.. 😍 dune bim fluss acho hemmer infomatione kriegt wiemer üs ufem boot verhalte müend und was üsi ufgabe sind, also chica chica heisst tanze ufem boot😂 lets gooo! mier sind 2h durch en fluss fo bali - ubud go rafte, ide mitti hemmer en stop gmacht und hend e bierli für fraue trunke haha, bintang crystal - trotz dasses für fraue isch simmer recht atrunke gsi🙈 zwüschedrinn hets mol en wasserfall geh womer drunter sind! was für erlebnis!! die ganzi route isch de hammer gsi und am schluss simmer fiix und fertig gsi! mier hend denn en lunch included kah und hend no dött chöne go dusche, nocher het üs de lukas uf ubud gfahre, dött hemmer mit lukas und ari no en kaffee trunke und denn sind mier zwei seeehr skeptisch richtig monkey forest - so respekt fo dene affe🙈 aber sie sind gaaaanz harmlos gsi, sie werden dött richtig gfüetterend und drum vermuetemer griifend sie d lüt nid ah oder klauend sache, sie hend sogar selfies mit üs gmacht😂 so herzig gsi! viel kliini äffli hets au kah und gwüsst hend sich sogar immer

am buuch fo de mamas ghebt🥰 supper erlebnis gsi! nocher sind mier es bitzli durch ubud gloffe und hend no indonesisch gesse.. mier sind beidi soo müed gsi und hend üs ufs bett gfreut☺️ mier hend d empfehlig kriegt in ubud eher es hotel chli nebedra im dschungle zneh, will das eifach so typisch isch mit pool und die ussicht, wieme uf minem fötteli fo gester gseht. aber unud selber isch au richtig schön, nid so arm wie üsi gegend und s lauft mega viel, viel restis, bars, läde und massage!😉

hüt morge simmer wieder vo singende tierli und am nervige gückel gweckt worde, er hört nidmol uf au wennd d lüt scho wach sind😂 mier hend üs parat gmacht mitem plan zum zude risterassene goh, en kaffee go trinke wills afoht regne am mittag und denn zumene tempel wome ins wasser goht, pura ganga oder sowas heisst de. denn het üs de herzige mah vom hotel am bungalow guete morge gwüscht und het so sehr ghofft er kann üs en tag lang umefahre, drum hemmer üs entschiede zum hüt doch mit ihm zumne wasserfall fahre, de leke leke und denn zum berüehmte tempel pura ulun danu bratan. mer hend üse privat driver de ganz tag für nur 500‘000. er het üs ufem weg sogar wasser kauft, so en liebe! denn hetter üs no zerst zumne andere tempel gfahre vo de royal family, de heisst pura taman ayun. sehr schön gsi!

👌🏼🥳👌🏼

hüt mol wieder vom „kicker“ gweckt worde.. aber am 2 am morge scho!!🙈 de het eifach null zitgfühl. recht schnell hemmer üs uf de weg gmacht zfuess (20min) zu de riisterrassene, denn simmer dött im tis cafe gsesse und hend die hammer ussicht uf de terrassene gnosse mitere bowl wo üs jetzt würkli paar täg gfehlt het🥰 dött simmer paar stund bliebe, wills eh gregnet het (mol wieder ganz anders als uf de wetter app..) aber isch super entspannt gsi! am mittag simmer denn mitem grab taxi zum pura titra tempel.